Svifflugskírteini / Sailplane Pilot Licence SPL

Til að fá útgefið skírteini svifflugmanns SPL (Part-SFCL) þarf að ljúka bóklegu og verklegu námi hjá flugskóla sem hefur heimild til þjálfunar nemenda í svifflugi. Að loknu bóklegu námi hjá flugskóla þarf að standast bókleg próf hjá Samgöngustofu.

Svifflugsnemi þarf að vera handhafi a.m.k. 2.flokks heilbrigðisvottorðs og orðinn 14 ára gamall áður en hann fer í sitt fyrsta fyrsta einflug. Hann þarf að vera orðinn 16 ára gamall til að fá útgefið svifflugskírteini.

Próf í bóklegri þekkingu

Umsækjendur um flugmannsskírteini fyrir loftbelgi, skírteini svifflugmanns eða einkaflugmannsskírteini þurfa að ljúka prófunum með 75% árangri að lágmarki í hverri námsgrein. Próf í bóklegu námi fer fram samkvæmt útgefinni námsskrá sem inniheldur níu próffög.
a) almennar námsgreinar:

Lög og reglur um loftferðir
Mannleg geta
Veðurfræði
Fjarskipti

b) sérstakar námsgreinar er lúta að mismunandi gerðum loftfara:

Flugfræði
Verklagsreglur í flugi
Afkastageta og áætlanagerð
Almenn þekking á loftförum
Flugleiðsaga

Próftakar

hafa 18 mánuði til að ljúka prófunum talið frá enda þess mánaðar sem fyrsta próf var þreytt
fá að hámarki fjórar tilraunir í hverju próffagi

Að loknu bóklegu prófi

Hefur nemandi 24 mánuði til að

ljúka verklegu námi
standast verklegt færnipróf með prófdómara
Þeir sem ekki fullnægja einhverjum framangreindra skilyrða þurfa að fá endurþjálfun hjá flugskóla og endurtaka bókleg próf Samgöngustofu.

Nánari upplýsingar

Samgöngustofa - Skírteini

Réttindi svifflugmanns (Part-SFCL)

Réttindi handhafa skírteini svifflugmanns eru að stjórna svifflugum án þess að taka greiðslu fyrir.

Til að mega flytja farþega þurfa flugmenn að hafa lokið eftirfarandi:

10 klst. fartíma eða 30 stört/flugtök og lendingar sem flugstjóri á svif- eða ferðavélsvifflugu eins og við á eftir útgáfu skírteinisins, og
Eitt æfingarflug með kennara á svifflugu til að sanna hæfni.
Kennari eða prófdómari, eins og við á skulu kvitta í logbók flugmanns að afloknu flugi.

Til að viðhalda réttindum til að fljúga með farþega á svifflugu þurfa flugmenn að hafa lokið eftirfarandi sem flugstjórar (PIC):

3 flugtök og lendingar á síðustu 90 dögum á svifflugu, ekki TMG.

Til að viðhalda réttindum til að fljúga með farþega á TMG þurfa flugmenn að hafa lokið eftirfarandi sem flugstjórar (PIC):

3 flugtök og lendingar á síðustu 90 dögum á TMG, þar af skal 1 flugtak og lending vera á nóttu ef ætlað er að fljúga með farþega að nóttu til.
Flugmaður með kennara eða prófdómara um borð eru ekki skilgreindir sem farþegar þegar ljúka þarf eitt eða fleiri flug vegna krafna um viðhald farþegaréttinda.

Til að viðhalda réttindum fyrir svifflugur

þarf skírteinishafi að hafa lokið á síðustu 24 mánuðum á svifflugu, ekki TMG; að minnsta kosti:

5 klst. fartímum, þ.m.t. 15 flugtök sem flugstjóri eða með kennara eða undir leiðsögn kennara, og
tveimur þjálfunarflugum með flugkennara á svifflugu (amk eitt á hverju vori).
eða
standast hæfnipróf með prófdómara.

Til að viðhalda réttindum fyrir ferðavélsvifflugur (TMG)

þarf skírteinishafi að hafa lokið á síðustu 24 mánuðum á TMG:

að minnsta kosti 12 klst. fartímum sem flugstjóri, með kennara eða undir leiðsögn kennara, og
þar af a.m.k 6 klst. fartímum og 12 flugtök og lendingar á TMG, ásamt einu þjálfunarflugi með flugkennara sem þarf að vera að lágmarki 1 klukkustund.
eða
standast hæfnipróf með prófdómara á TMG.
Flugmaður sem er handhafi flugmannskírteinis Part-FCL með einshreyfilsáritun (SEP) og áritunar fyrir ferðavélsvifflugu (TMG) geta uppfyllt framangreindar kröfur í hvorum flokknum sem er eða sambland af þessu og fengið framlengingu á báðum áritunum.
6 klst. af 12 klst. má framkvæma á svifflugu sem er ekki TMG til að viðhalda TMG réttindum.

Flugtaksaðferð

Ný réttindi:

Spilstart: 10 stört með kennara og 5 stört í einflugi undir umsjón kennara.
Flugtog og sjálfstart (self-launch): 5 stört með kennara og 5 stört í einflugi undir umsjón kennara.
Fyrir sjálfstart má framkvæma 5 flugtök með kennara á TMG.
Nýrri flugtaksaðferð skal vera staðfest í logbók af yfirkennara eða kennara sem ábyrgist þjálfun.

Viðhald réttinda í flugtaksaðferð:

Á síðustu 24 mánuðum lokið:
a.m.k. 5 stört í flugtaksaðferð
Fyrir sjálfstart má framkvæma flugtök á TMG eða sameina fjölda á TMG og sjálfstartandi svifflugu til að uppfylla kröfu.

Viðhald kennaraáritunar / FI(S)

Innan 3 ára, lokið:

Upprifjunarnámskeið kennara fyrir svifflug, og a.m.k.
30 klst. eða 60 flugtök og lendingar sem kennari.
Innan 9 ára (þriða hverja endurnýjun):
Sýnt fram á hæfni til kennslu með kennara sem uppfyllir kröfur fyrir FI(S) kennsluréttinda sem er útnefndur af yfirkennara ATO/DTO.
eða
Upprifjunarnámskeið og hæfnismat með prófdómara

Flugtogsáritun (Sailplane Towing)

• Flugmaður þarf að vera handhafi flugskírteinis með réttindi á viðkomandi flugvél eða TMG og til að fá útgefna áritun í skírteini þarf flugmaður að hafa lokið:

• a.m.k. 30 klst sem flugstjóri (PIC) og 60 flugtök og lendingar sem eru framkvæmd eftir útgáfu skírteinis á viðkomandi gerð loftfars sem toga skal á (flugvél eða TMG)

• Lokið þjálfunarnámskeiði hjá samþykktu ATO/DTO þ.m.t.:

• bókleg kennsla í starfrækslu og verklagi við flugtog, og

• a.m.k. 10 kennsluflug í að toga svifflugu, þ.m.t. a.m.k. 5 togflug með kennara, og

• 5 kynnisflug á svifflugu sem er komið á loft af loftfari en þetta varðar ekki handhafa svifflugskírteinis.

Viðhald réttinda fyrir Togflugmenn

• Á s.l. 24 mánuðum, ljúka

• a.m.k. 5 flugtog.

• Ef flugmaður uppfyllir ekki kröfur skal framkvæma 5 eða viðbótarfjölda togfluga með kennara eða í einflugi undir umsjón kennara til að endurnýja réttindin.